المكونات والمقادير
مذكورة بالطريقة
طريقة التحضير
كل ما في الأمر إنكم تجيبون اللحمة اللي تبون تطبخونها
أسلقي اللحمة وأن دايما شغلي بقدر الضغط يختصر الوقت وحطي
معها ماء =ملح=فلفل أسود=ثوم مطحون=عود قرفة =4حبات من الهيل =وخلاص
إنتهينا من اللحمة وبعد ماتستوي شوفي المرقة إذا كانت قليلة زيديها ماء لأننا نحتاج المرق
دحين نجي نسوي المرقوق بس من غير صلصلة يعني جهزي الخضار التالية
(جزر وبازلاء مفرزة وجاهزة بطاطس مقطعة مكعبات وكوسة كذلك مقطعة مكعبات وفاصوليا )
بصلة مقطعة صغير وطماطم أيضا مقطعة صغير
حطي ملعقة سمن المراعي والبصلة وخليها تذبل شوية وبعدين حطي الخضار وقلبيها
ثم ضعي مكعب ماجي و المرق وبعدين العجين حق المرقوق
وبصراحة أنا وحدة أحب كل شئ جاهز يعني أشتري العجين من البقالة ويكون مجفف إختصار للوقت
بس وكل هذا في قدر الضغط
ما يأخذ وقت ممكن عشر دقايق وأطفئ عنه
نجي للجريش
أنقعي ثلاثة أرباع الكوب جريش حب مع ربع كوب رز مصري وباكيت شوربة الدجاج بالشعيرية حق ماجي
وأسلقيه بالمرق مع إضافة الماء إذا أحتاج والملح
وزي ماقلت لكم في قدر الضغط مايأخذ وقت
ولما يتسوي جيبي 1كوب لبن زبادي وقلبيه شويه مع بعض
وجيبي بصلة مقطعة شرائح صغيرة وسمنة وكشينيها فوق النار وأضيفي مكعب ماجي
وبعدين حطيها على الجريش
وسكري القدر ورجعيه فوق النار شويه لحد مايستوي كويس
نجي للرز عاد رز منقوع ومغسل أطبخيه في باقي المرق وإذا أحتاج ماء زيديه وملح
اللحمة بعد ماأستوت حطيها في صينيه وحطي عليها صفار الزعفران وأدخليها الفرن عشر دقايق
وخذي قليل من الصفار ورشيه على الرز
خلاص كذا خلصنا كل شئ
قبل التقديم بعشر دقايق جيبي صحن التقديم وحطي طبقة من الجريش ثم المرقوق ثم رشي الرز واللحمة
وغطيه بالقصدير وبحرارة الفرن حطيه يعني لاتشغلي الفرن إنتبهي
بس خلاص قدميه مع السلطة وأي شئ تبغيه وكليه بالعافية عليكي وأشربي بعده الشاي الأخضر
وروحي صكويها نومة لحد المغرب بعد التعب ذا وسل
السبت فبراير 21, 2009 10:46 am
